Paris police imposed a five-day protest ban near 10 schools & 5 universities from Nov 16-20 due to ongoing education protests & violence. Learn more about the situation.

Gipahamtang sa kapulisan sa Paris, France ang lima ka adlaw nga protest ban sa pipila ka mga dapit sa piniling tunghaan ug unidersidad sa ulohan niini karong Lunes bahin sa nagpadayong lapad nga protesta sa nasud.

Gidili sa mga otoridad ang pagpahigayon og mga kalihokan sa 100 meter radius sa 10 ka secondary schools ug lima ka unibersidad gikan Nobyembre 16 hangtud sa Nobyembre 20.

Matud ni Paris police chief Patrice Faure, gikinahanglan ang maong mga lakang tungod sa pagpasiugda niini sa mga kakulian og mga babag sa palibot sa maong mga tunghaan ug ang matud pa padayong kapintasan.

Samtang, nakig-alayon usab ang walo ka alkalde gikan sa nagkadaiyang distrito sa ulohan sa rehiyonal nga buhatan sa edukasyon aron ipanawagan ang seguridad alang sa mga gibarikadang tunghaan.

Mahinumdoman nga niadtong Sabado kay natigayon ang protesta sa kadalanan sa Pransiya, diin 106,000 ka tawo ang nakighiusa sa mga kalihokan bahin sa panawagan sa mga katawhan alang sa mas maayong kalidad ug kondisyon sa edukasyon sa nasud. (raniel mahunyag)