Dili mapugngan sa bisan kinsa ang pagtambong ni Senador Bato dela Rosa sa umaabot nga impeachment proceeding batok kang Bise Presidente Sara Duterte sumala ni Atty. Oscar Moreno.
Apan gipasabot sa maong abogado nga mahimong lisod ang sitwasyon sa senador ilabi na kay aduna kiniy warrant of arrest gikan sa International Criminal Court o ICC.
Subay sa lagda sa balaod, gilantaw ni Atty. Moreno nga dili kwalipikado si Senador Dela Rosa sa parliamentary immunity tungod kay ang mga kaso sa ICC nagdala og silot nga mas taas pa sa unom ka tuig nga pagkabilanggo.
Dugang pa sa eksperto nga walay lig-on nga basehan sa konstitusyon ang giingong protective custody sa Senado ilabi na kung ang salaod nga giatubang lapas na sa limitasyon nga gilatid sa atong batakang balaod.
Tungod niini, nagtuo ang kanhi mayor nga dili makahatag og tinuod nga proteksyon ang maong pamaagi batok sa legal nga proseso sa pagdakop.
