CAGAYAN DE ORO CITY-Gisikop ug kasuhan sa attempted rape ang parolado nga kanhi piniriso nga lalaki sa Brgy Bobuntugan, Jasaan, Misamis Oriental.
Giila ni Jasaan Police Station commander C/Insp Rogelio Labor Jr ang suspek nga si Mario Obin, 23 anyos ug nagpuyo sa maong lugar.
Gisikop si Obin tungod kay nakit-an kini sa duha ka testigo nga misulay paglugos sa babayeng menor de edad kagabii.
Si Obin ang kanhi nasikop sa mga otoridad ug nagawasnon lamang dihang nahataga’g parol tungod sa kasong tulis sa lalawigan.
Pursigido ang inahan sa biktima nga kasuhan ang suspek sa piskalya ning syudad sa adlaw’ng Lunes.
