CAGAYAN DE ORO CITY – Napasaka na ang kasong double parricide batok sa 70 anyos lola nga ngilngig nga mipatay sa iyang bana ug sa ilag anak nga babaye diha sa Sitio Magpalit,Brgy Cabalantian,Manticao,Misamis Oriental.
Maoy gikasuhan ang suspek nga si Vivian Loresca kinsa mitigbas mga biktima nga si Luciano ug Elvie Loresca samtang pulos tulog sa maong lugar sa miaging semana.
Miingon si Manticao Police Station commander Lt Chance Ramirez nga napalubong na usab ang mag-amahan ug laing anak nga lalaki ni Vivian kinsa maoy iyang gikagul-an pag-ayo hinungdan mitukar ang sakit niini sa ulo.
Una niini,naluwas ang tulo ka apo sa suspek dihang giapil niya’g tigbas apan nakadagan sa miaging semana.
