CAGAYAN DE ORO CITY -Napasaka na ang duha ka kasong kriminal batok sa amahan nga miunay pagdunggab-patay sa 2 anyos nga anak lalaki tungod sa naghinobrang selos diha sa Brgy Lumbia ning syudad.
Kini ang gikompirmar ni Police Lt Col Evan Viñas,tigpamaba sa Cagayan de Oro City Police Office diin maoy gikasuhan si Elmer Canoy Sr sa piskalya kagahapong adlawa.
Miingon si Viñas nga kasong parricide ug frustrated parricide ang naduso sa kapolisan batok sa suspek.
Samtang luwas na usab ang 4 anyos nga anak-babaye nga giapil pagdunggab sa suspek sa miaging adlaw.
Apan gikasuhan gihapon sa frustrated parricide ang suspek nunot sa diriyot pagka-disgrasya sa anak-babaye nga giapil pagdunggab.
