Gipadayag ni Senador Rodante Marcoleta ang iyang kritisismo batok kang Senate Blue Ribbon Committee Chairperson Panfilo “Ping” Lacson tungod sa dili pa kompleto nga report sa imbestigasyon sa flood control projects.
Gipangutana ni Marcoleta nganong dugay gipagawas ang report bisan wala pa kini mahuman.
Nanindigan si Marcoleta nga dili siya mopirma sa report tungod kay daghang mga magbabalaod ang nalakip apan wala maapil sa preliminary investigation si Undersecretary Adrian Bersamin ug kanhi House Speaker Martin Romualdez.
Gibug-aton pa niya nga dako ang kalainan sa preliminary investigation ug fact-finding category, kondiin iyang gi-kuwestiyon kon ngano ang gitudlo isip mastermind anaa lang sa fact-finding ug wala pa masulod sa preliminary probe. (PHILLIP ARIATA)
