CAGAYAN DE ORO CITY-Kumbinsido ang kapolisan nga walay foul play sa kamatayon sa pasahero nga gikan sa Camiguin nga padulong unta sa dinhi sa syudad.
Kini human nawad-an sa panimoot samtang panaug na unta sa gisakyang lantsa pag-abot sa pantalan sa Balingoan ning lalawigan.
Giila sa kapolisan ang biktima nga si Arlene Macamay,45 anyos nga taga-Catarman,Camiguin.
Gidali pagtabang sa nakasakay usab niini nga doktor ang biktima apan dead on arrival nang midangat sa provincial hospital sa Talisayan.
Una nang gikompirmar ni kanhi Catarman Vice Mayor Marvi Rodriguez nga magpaubos unta sa dialysis ang biktima ning syudad dihang mitukar ang gihambin niini nga balatian kagahapong adlawa.
