Gipanalipdan sa Roads and Traffic Administration ang gipahigayon nga pagsikop sa mga motorella nga nagpatuyang sa pagbiyahe subay sa mga national highway sa syudad.
Gipasidaan ni RTA Administration Manager Doy Ramiro nga lapas sa regulasyon sa DILG ug ordinansa sa dakbayan ang pagsubay sa maong mga sakyanan sa CM Recto, Velez, Masterson, ug Vamenta.
Giklaro sa opisyal nga ang katungdanan ra sa motorella mao ang paghatod sa mga pasahero gikan sa mga baranggay ug subdivision ngadto sa ruta sa jeepney.
Gipahinumdoman usab ni Ramiro ang mga drayber nga ang pagtabok ra sa highway ang gitugot sa ordinansa ug gidili ang pagbiyahe diha sa maong mga dalan.
