Nangandam na ang syudad alang sa ipahigayon nga grand launching sa Pasko de Oro, karong alas 6 sa gabie sa City Hall Executive Building. Gikompirmar kini ni Chief City Information Officer Jade Adecer sa programang Zona Libre.
Gibutyag si Adecer nga gawas sa launching, aduna usab pagpasuga sa mga Christmas lights sa Gaston Park, Divisoria Area; ug Rio de Oro Boulevard sa Brgy Puntod.
Miingon si Adecer nga simultaneous o dungan ang pagpasuga sa mga Christmas Lights ug dagkung mga Christmas Trees nga gidumala sa CdeO-LGU.
Mahinumduman nga nadelatar ang pagbukas sa aktibidad tungod sa isyu sa seguridad niadtong Disyembre 1.
Sugod alas 6 sa gabie, kagahapon, gipatuman na ang temporaryong traffic scheme sa mga nanganlan nga lugar.
