“Paspas ang ilang padagan, ug milupad ayha nagbalintong-balintong”.
Pipila lamang kini sa pahayag sa mga nakasaksi sa linoog nga aksidente sa Brgy Napangan, Don Victoriano, nga gikalambigitan sa kapulisan gikan sa 2nd PMFC sa Misamis Occidental PNP, ug mga trabahante sa Provincial Tourism Hall.
Namahayag ang mga residente sa maong lugar nga layo pa lang nakita na nila nga paspas nag dagan sa police patrol car ug nakurat sila duhang misutoy ug nahulong sa pangpang.
Aduna usab ginang ang nakasaksi sa pagbalintong sa sakyanan sa makadaghang higayon human madiskarel sa dalan.
Nagresulta ang insidente sa lima ka patay, kundiin dead on the spot ang upat ka mga pulis, ug laing usa ka sibilyan ang patay.
Adunay nadala sa tambalanan nga mga samaran sa insidente.
Kagahapon gilayong gibisitahan ni Police Colonel Reynaldo Maclang, provincial director sa Misamis Occidental Provincial Police Office ang mga nadala sa hospital, ug ang gihaya nga mga sakop niini sa punerarya.
