Luwas ra ang tanan sakay sa eroplano nga Fokker 50 sa Starsky Aviation nga nagdala sa 50 ka pasahero ug 5 ka crew, human napugos sa emergency landing ug nag-crash sa sa baybayon sa Jasiira Beach, Mogadishu, Somalia.
Human sa takeoff gikan sa Aden Abdulle International Airport, nakasinati kini sa teknikal nga problema ug misulay og balik sa runway apan na-overrun ug nahulog sa baybayon sa Indian Ocean.
Ang mga saksi nakakita nga mabaw ang paglupad niini ug misangko sa tubig sa baybayon.
Nagresulta kini sa pagkaguba sa usa sa mga paku sa abyon.
Sulod sa pipila ka minuto, nakaabot ang rescue teams ug nahaw-as ra sa nasagyad nga eroplano ang tanang sakay.
Walay namatay ug walay grabe nga samdan, sa insidente.
