Taas ang passing rate sa 2025 BAR exams, subay sa kasaysayan sa Pilipinas. Gibutyag kini ni Integrated Bar of the Philippines (IBP) CdeO-MisOr Chapter President Atty Greg Pallugna sa interbyu sa BOMBO RADYO. Miingon si Pallugna nga sa iyang panahon, anaa lamang sa 20-30% ang passing rate, ug ning tuiga, misaka na ang ihap sa mga nakapasar sa bar sa kapin libo. Mipasabot ang abogado nga bisan lisud ang pagkuha sa pasulit, daghan ang mga magtutungha ang inspirado nga mupasar ug ilang nakab-ot ang ilang pangandoy. Nanghinaut ang president sa IBP nga unta gamiton sa ilang mga bag-ong miyembro-pohon ang ilang talento sa tinud-anay nga pagserbisyo sa katawhan, ilabe na sa mga kasong kurapsyon ug social justice.
Una niini, nagtuo si Atty Pallugna nga kasagaran sa nakapasar, nakatutuk sa pagtoon, itandi sa ilang panahon nga sila mga working student. Miingon si Pallugna nga taas ang tsansa nga makapasar kung nakapukos ang magtutungha sa iyang tumong nga mahimong abogado.
