Gikompirmar sa Cagayan de Oro City Police Office (COCPO) nga anaa sa kustodiya sa kapulisan ang suspek nga gi-akusaran nga mipusil patay sa tresurero sa Seventh-day Adventist Church nga nahimutang sa dalan sa Julio Pacana ug Licoan, ning syudad.
Giila ni COCPO Spokesperson Police Captain Emelita Simon ang suspek nga si Pastor Chosen Gem Avista, kinsa unang mitahan sa Criminal Investigation and Detection Group (CIDG-10) human mahitabo ang insidente.
Subay sa nakasaksi, human pusila sa suspek ang biktima nga si Benjamin Mendez, paspas kining misakay sa iyang awto nga pula ug kagiw sa wala matino nga direksyon.
Laraw sa kapulisan nga pasakahan sa kasong murder ang suspek, ug posible pang madugangan samtang nagligid ang inter-agency investigation.
Una niini, gikompirmar sa Scene of the Crime Operatives (SOCO) nga naka-angkon sa upat ka igo pinusilan ang biktima nga maoy hinungdan sa iyang kamatayon.
Narekober sa crime scene ang wala ka empty shell sa kalibre 45.
Nadiskobre sa mga imbestigador nga dili lisensyado ang bitbit nga armas sa suspek.
