CAGAYAN DE ORO CITY, Philippines – Milampus ang Philippines National Police (PNP) ug Intelligence Service sa Armed Forces, (ISAFP) sa pakignegosasyon sa mga kadagkuan sa Kingdom of Jesus Christ (KOJC) ug sa legal counsel sa simbahan aron mapatahan ang amahan sa simbahan nga si Pastor Apollo Quiboloy.
Namahayag si PNP spokesperson Colonel Jean Fajardo nga mihatag ang government negotiating team sa 24 oras nga ultimatum aron sudlon ang nahibiling usa ka kwarto nga nahimong kadudahan tungod sa kabaga sa puwersa sa mga misyonaryo nga nagbantay sa ganghaan.
Nagsugod ang negosasyon pasado ala-una sa hapon ug natak-upan pasado alas-6 kundiin, milampos ang joint efforts sa PNP ug AFP sa hingpit nga pagpasurrender sa pugante nga pastor kuyog ang upat ka mga co-accused nga sila chuch members Jackielyn Roy, Ingrid Canada, Cresente Canada ug Sylvia Cemañes.
Human ang pagturn-over sa mga wanted persons, hilom silang gipasakay sa C-130 plane gikan sa Davao City Aiport, padulong sa Villamore Air Base sa Pasay City, Metro Manila.
Gipaubos una sa medical check-up ang mga surrenderees ayha mi-abante ang booking process.
Ilawom sa booking procedure ang pagkuha sa finger prints ug mugshots sa mga suspect.
Ang nagpaila nga “Appointed Son of God”, nag-atubang sa kasong sexual abuse of a minor, child abuse, ug qualified trafficking sa duha ka managlahing korte sa Pilipinas.
Ang pastor ug iyang mga co-accused duna usab giatubang nga kaso sa Los Angeles Federal Court human gipagawas sa International Criminal Police Organization (INTERPOL ) ang US Federal Bureau of Investigation’s Red Notice Alert batok kang Quiboloy, Pebrero 2022.
Lakip sa mga kasong gi-atubang sa 74-anyos nga church leader sa Estadus Unidos ang Conspiracy to Engage in Sex Trafficking by Force, Fraud and Coercion, and Sex Trafficking of Children; Sex Trafficking by Force, Fraud, and Coercion; Conspiracy; ug Bulk Cash Smuggling.
Magdepende na kang Presidente Ferdinand Marcos Jr., kung itahan ba sa gobyerno si Quiboloy mga operatiba sa Amerika.
Una niini, nabahin ang reaksiyon sa netizens sa social media post ni Department of Interior and Local Government (DILG) Secretary Benhur Abalos human iyang gibuak ang balita nga nadakpan na si Quiboloy.
Mi-angkon si Police Regional Office -11 Director Brigadier General Nicholas Torre III nga joint efforts ang paghupot sa pugante apan dili tin-aw kung nasikop ba o mitahan ang amahan sa KOJC.
