DAVAO CITY – Nanganti ang liderato sa Philippine National Police nga kuhaon ug mapaubos sa ilang kustodiya ang pugante nga si Pastor Apollo Quiboloy nga founder sa Kingdom of Jesus Christ nga nakabase sa Davao City.
Panganti kini ni Police Regional Office 11 regional director Brig Gen Nicolas Torre III nunot sa paglusob sa daghang mga pulis sulod sa KOJC compound aron makit-an si Quiboloy nga gitoohang nakatago sa taas nga panahon kaganihang kadlawon.
Miingon si Torre nga dako ang ilang pagtoo nga anaa lang sa sulod sa compound si Quiboloy ug ang mga kauban niini nga nag-atubang gihapon sa mga kasong kriminal rason nga gipatuman nila na ang pagpangita gamit ang warrant of arrest.
Gipaniguro usab niini nga walay makasagol nga bisan kinsa nga grupo nga nagtinguha paglawgaw sa pagpatuman sa warrant of arrest batok grupo ni Quiboloy.
Si Quiboloy ang nag-atubang sa klase-klaseng mga pasangil rason nga giimbestigaran sa senado apan wala kini motahod ug motunga hinungdang nalugwaan sa warrant of arrest.
Dugtong niini,gibatikos sa mga suporter sa pastor si Pres Bongbong Marcos ug gitawag nga walay utang kabubut-on bisan sa dakong tabang nga nadawat aron makadaug sa 2022 elections sa nasud.
