CAGAYAN DE ORO CITY, Philippines – Gibulgar ni Vice President “Inday” Sara Duterte nga gisulayan siyag baraw sa pagtampo sa ika-39 nga anibersaryo sa katukuran sa Kingdom of Jesus Christ (KOJC) Church, sa Davao City.
Kagabie, sa iyang unang pag-atubang sa mga miyembro sa simbahan, mitin-aw kini nga bisan 8 milyon ra ka tawo ang miyembro sa KOJC tibook kalibutan, ug 6 milyon ang miyembro niini sa Pilipinas, Pilipino gihapon ang kaliwatan niini.
Taliwala nga wala ang iyang presensya sa mga panahon nga magselebrar sa kasadya ang simbahan, gipasalig ni Duterte nga kanunay kining anaa sa ilang kiliran panahon sa kalisdanan.
Gibutyag ni Inday Sara nga gustuhon man niyang e-rescue ang mga gi-abusuhan nga mga sakop sa simbahan sa milabay’ng siyam ka adlaw, apan, susamang atake usab ang gihimo sa administrasyon sa Office of the Vice President.
Dugtong niini, sa wala pa magsugod ang selebrasyon, gipangutana pa sa prensa ang bise kung nasayud ba kini sa lokasyon sa wanted person nga si Pastor Apollo Quiboloy, kinsa founder sa KOJC.
