CAGAYAN DE ORO CITY – Wala palabya ni City Mayor Oscar Moreno ang pastor nga misupak sa Mandatory Reporting of Notifiable Diseases and Health Events of Public Concern Act ning syudad.
Miingon si Moreno nga gitahod niya ang freedom of religion apan mas importante ang proteskyon sa panglawas sa katawhan tungod sa COVID-19 crisis.
Kini ang rason nga angayang atubangon ni Word of God Spirit and Life Ministries founder Pastor Alfred Caslam kon unsa man ang iyang nalapas nga balaod sa nasud.
Samtang nagdusog pyansa ngadto sa piskalya si Pastor Alfred Caslam nga unang gidakop tungod sa pagsupak sa balaod sa social distancing sa syudad.
Kini human unang mihimo’g church service diin nagpiot ang ilang miembro simbahan sa The Word of God Spirit and Life Ministries Incorporated sa Rizal Theatre, Capistrano- Montalban Sts ning syudad.
Miingon si Divisoria Police Station commander Capt. Sebastian Chua nga ila na usab gipadlakan ang simbahan tungod sa kasukapan sa maong grupo.
Samtang walay plano si Caslam nga mopasakag kontra demanda batok sa mga pulis nga midakop kaniya dihang mihimo’g pagsanyaw sa iyang mga miembro ning syudad.
Gibutyag ni Caslam nga nagtuman sila sa kampanya sa gobyerno nga social distancing tungod sa COVID-19 apan niadto lamang nga Dominggo wala niya napugdan ang pagpangabot sa anaa sa 500 ka manimbahay.
Dugang niini nga kon gipaundang sila sa mga pulis sa paghimog tapok-tapok, ila kining sundon.
Samtang ipaubos sa profiling sa City Health Office o CHO ang dul-ag 500 ka tawo nga miapil sa church service taliwala sa gipatuman nga community quarantine sa syudad gumikan sa Covid-19.
Gibutyqag ni CHO officer-in-charge Dr. Lorraine Nery nga nakigkoordinar sila sa Philippine National Police aron makuha ang listahan sa mga mitambong sa misa.
Siya miingon nga gikinahanglang mapaubos sa evaluation ug validation sa travel history ang mga mitambong sa church service diin nadakpan ang ilang pastor nga si Caslam niadtong adlaw’ng Dominggo.
Hisayran nga gusto masuta sa health office kon virus-free ang mga manimbahay ilabina nga nakasupak sila sa social distancing.
