CAGAYAN DE ORO CITY – Namatay tungod sa gihambin nga sintomas sa coronavirus disease o COVID-19 ang pasyente nga unang na admit sa Northern Mindanao Medical Center o NMMC gikan sa Sitio Pinikitan,Brgy Camaman-an sa syudad.
Kini ang gikompirmar ni City Mayor Oscar Moreno subay sa resulta nga nadawat sa DoH-10 ug NMMC kabahin sa maong pasyente.
Miingon si Moreno nga unang nadala sa ospital ang biktima Abril 18 apan paglabay sa pipila ka oras ang nabugtuan kini sa kinabuhi.
Tungod niini,pinakaunang kaso kini sa COVID-19 diin ang biktima mismo residente sa syudad.
Samtang gimando ni Moreno sa City Health Office o CHO ang dili lamang ordinaryo nga pagkuwarantinas sa mga kabanay ug silingan sa positibong pasyente sa coronavirus disease.
Miingon si Moreno nga gitahasan niya si CHO head Dr Lorraine Nery ug CHO epedemiologist Dr Joselito Retuya sa lapad nga contact tracing aron masiguro ang pag-quarantine sa mga tawo nga ulahi gikauban sa maong pasyente.
