CAGAYAN DE ORO CITY – Misaka na sa 40 ang patay tungod sa sakit nga dengue sa Northern Mindanao ning tuiga.
Gibutyag ni Dr. Tristan Labitad, research epidemiology surveillance and response unit o RESDRU cluster head sa Department of Health -10 nga naalarma sila human misaka sa 52.59 percent ang data sa mga nagpositibo sa makamatay’ng sakit itandi sa miaging tuig.
Si Labitad miingon nga anaa na sa 11,220 ang nagpositibo sa kaso diin kadaghanan sa mga nataptan sa maong sakit ang naggikan sa Bukidnon.
Gipahugtan karon sa ahensiya ang ilang kampaniya batok dengue.
