CAGAYAN DE ORO CITY, Philippines (UPDATE) – Misaka pa sa 21 ang patay sa pagkasunog sa dormitoryo sa tunghaan sa Hillside Endarasha Primary School sa Nyeri County, Kenya.
Basi sa inisyal nga hitabo, posibleng tinuyo ang sunog busa gi-andam na sa korte ang tanan suspek nga posibleng pasakaan sa kasong arson.
Gimando ni Kenya’s Chief of Staff ug Public Service Head Felix Koskei ang pag-hiling sa tanang pampublikong tunghaan aron dili masubli ang hitabo.
Sa pagkutlo ning balita 70 pa ka mga magtutungha nga lalaki ang missing human gilamoy sa kalayo ang tunghaan, kadlawon sa adlaw’ng Sabado.
Ang kamanduan ni Koskei nagsumikad sa direktiba ni Kenyang President William Ruto nga sulbaron ang insidente ug mipasidaan sa mga nagsunog sa tunghaan nga madugta sa prisohan.
