CAGAYAN DE ORO CITY – Ihaya sa city tourism hall ang patay’ng lawas ni kanhi city mayor ug former Senate Pres Nene Pimentel Jr ning syudad sugod unya sa sayong gabii.
Kini human kumpirmaha ni City Administrator Teodoro ‘Teddy’ Sabugaa Jr ang paghidangat sa patay’ng lawas ni Pimentel sakay sa C130 plane nga motugpa diha sa Laguindinga Airport unya sa hapon.
Miingon si Sabugaa nga gipasiguro ni City Mayor Oscar Moreno ang hugot nga seguridad sa city hall aron dili matugaw ang pagbangutan sa katawhan sa haya ni Pimentel.
Si Pimentel sa wala pa mahimong presidente sa senado ug kalihim sa DILG ang miagi usab sa pagka-mayor sa syudad,gobernador ug kongresista o assemblyman sa Misamis Oriental.
