CAGAYAN DE ORO CITY-Gibawi na sa iyang pamilya ang patayng lawas sa gitouhang sakop sa New People’s Army nga napatay sa engkwentro sa Barangay Lacolac, Baungon, Bukidnon.
Gibiyaan sa iyang mga kauban ang napatay’ng NPA samtang bitbit pa ang iyang M16 rifle ug walay identipikasyon.
Giila sa iyang pamilya ang napatay nga rebelde nga si Nilo Pinohon, 19 anyos lumad nga taga Lantapan, Bukidnon.
Unang gikoordinar sa inahan nga si Ramilyn ang Baungon Police Station aron pagpakisayod sa nahimutangan sa iyang anak kinsa nalubong na apan plano sa pamilyang kaluton kini ug dalahon sa ilang lugar.
