(Update) CAGAYAN DE ORO CITY – Nakit-an na ang magtiayon nga magpila ka adlaw nga nawala sukad kalit mitabon kanila ang nahugnong yuta gikan sa buntod padulong sa ilang balay sa Sityo Minalong,Barangay Kahusayan,Kitaotao,Bukidnon.
Kini subay sa kompirmasyon sa Kitaotao Municipal Risk Reduction and Management Office nga wala mohunong pagpangita sa patay’ng lawas sa mga biktima nga sila Ryan Cortez ug Echel Cortez.
Nakit-an ang duruha distansya sa landslide site kay mismo si Kitobo Punong Brgy Edwin Landesa ang nagtaho pa sa MDRRMO-Kitaotao nga sa sapa narekober ang mga biktima.
Tungod niini,nasubo pag-ayo ang mga opisyal sa munisipyo sa gidangatan sa mga biktima.
Dugtong usab niini, gihunong na sa search and retrieval teams ang operasyon bisan kon pabiling pang missing ang 3-anyos nga anak sa magtiayon.
Hisayrang bugtong ang 14 anyos lang nga anak sa magtiayon ang nakagawas sa balay dihang natigayon ang pagdahili sa yuta samtang laing duha ka residente ang samaron usab ug unom ka balay ang nadamyos dihang miigo ang landslide sa miaging Oktobre 15 sa gabii.
