CAGAYAN DE ORO CITY – Nahidangat na ang patay’ng lawas ni Philippine Air Force 1Lt AJ Dadulla dinhi sa rehiyon ning adlawa.
Kini alang sa pila ka adlaw nga haya ayha itumod sa katapusang pahulayan sa lungsod sa Manolo Fortich,Bukidnon sunod semana.
Miingon si Col. Ryan Sonza,acting commander sa Philipppine Air Force Tactical Operations Wing Eastern Mindanao nahiabot ang lawas sa maong piloto sa Lumbia Airbase bandang hapon.
Siya miingon nga posibleng ilubong ang patay’ng lawas sa biktima sa petsa 17 ning bulana.
Si Dadulla ang kaubna ni Major Jude Salang-oy nga nahagsa sa gisakyang FA-50 fighter jet sa Talakag,Bukidnon sa miaging semana.
