CAGAYAN DE ORO CITY – Gi-imbestigaran sa kapolisan ang kamatayon sa usa ka wala ilhi nga lalaki nga posibleng biktima sa salvaging ug gilabay sa Sitio Patpat,Brgy Lantod,Talakag,Bukidnon.
Miingon si Police Cpl Dennis Nacasabog,imbestigador sa Talakag Police Station nga naglisod sila sa pag-ila kay posibleng igo ra gidala sa wala mailang mga suspek ang biktima ug gihinusan sa kinabuhi.
Gibutyag ni Nacasabog nga wala gamiti’g armas o hait nga hinabigan apan gihiktan sa mga suspek ang li-og ang biktima nga posibleng hinungdan sa kamatayon niini.
Nakasul-ob sa blue t-shirt ang biktima ug bulaw usab ang buhok niini.Kasamtangang anaa sa St Bernard Funeral Homes ang patay’ng lawas sa biktima sa maong lugar.
