Gibutyag sa ‘whistleblower’ nga si Julie Patidongan sa Department of the Interior and Local Government (DILG) nga posibleng anaa sa Cambodia o sa Thailand ang wanted nga negosyante’ng si Charlie “Atong” Ang.
Sumala kang DILG Secretary Jonvic Remulla nga adunay kahanas si Ang nga muadto sa Cambodia pinaagi sa “backdoor” aron malikayan ang mga awtoridad diin nadiskubrehan nila’ng aduna’y online sabong operation si Ang ngadto sa Cambodia.
Pananglitan nga ma-kumpirma ang lokasyon sa negosyante, sa Cambodia man o sa Thailand, diretso kini nila ipasaka kang Presidente Ferdinand Marcos Jr alang sa pag-desisyon kung unsa musunod nila’ng lakang.
Mahinumudumang una na miingon ang Presidente nga prayoridad niya ang kaso sa nawala nga mga sabungero diin ang gitudlo nga ‘mastermind’ kay ang business tycoon nga si Atong Ang. (Jane Mae Abulag)
