Good news!
Aduna na’y paspas nga pamaagi sa pakigkita sa mga doktor.
Namahayag si Department of Health (DOH) Secretary Teodoro Herbosa nga pinaagi sa Patient Appointment System (PAS), mas mapadali ang pagkuha’g appointment sa mga doktor lakip na ang dugang serbisyo alang sa mga outpatient sa mga ospital sa Pilipinas.
Kini nga sistema naggamit sa advanced scheduling, nga maghatag sa eksaktong oras sa mga pasyente aron dili na sila maghulat sa taas nga paglinya sa gawas sa mga lawak sa ilang mga doktor.
Miingon si Herbosa nga sayon ra ang pagpag-gamit sa PAS ug kinahanglan lang musulod sa online digital platform ang mga pasyente aron maka-eskedyul. Sa booking process, kombinyente nga mupili ang mga pasyente sa ilang oras subay sa eskedyul nga isitar sa usa ka doktor.
Ang pilot test sa Patient Appointment System (PAS) ilusad sa 3 ka DOH hospitals sama sa Jose R. Reyes Memorial Medical Center; East Avenue Medical Center ug Dr. Jose Fabella Memorial Hospital.
Una niini, gitin-aw sa DOH nga dili lamang limitado sa adunay smartphone ang pagbisita sa ilang website apan, mahimo silang magpa-appoinment gamit ang mga laptop gikan sa tolo ka mga hospital.
