CAGAYAN DE ORO CITY – Tanghaga sa Police Regional Office 10 kon gisudlan aron patyon o naghikog-patay ang aktibong pulis nga na-destino sa R4 o Logistics Office diha sa Camp Alagar ning syuda kagahapon sa hapon.
Kini human nakit-ang dunay igo sa agtang ang biktima nga si Patrolman Andy Requilme,29 anyos,ulitawo ug taga-Brgy Indahag sa sulod sa iyang barracks sa maong kampo.
Gibutyag ni PRO-10 spokesperson Lt Col Michelle Olaivar nga gitahasan na nila ang ilang mga kauban sa pagsuta sa tinud-anay nga hitabo sa biktima.
Una niini,kadudahan kon nagpusil sa kaugalingon ang biktima kay lisod makablit ang armas kon ipunting kini sa iyang agtang.
