CAGAYAN DE ORO CITY – Gikastigo sa grupo sa kabataan ang pipila ka sakop sa militar nga na-destino sa Bukidnon.
Kini nunot sa ilang “red tagging” sa peace initiatives nga gilusad sa organisasyong Panalipdan Youth Mindanao.
Sa pakighinabi sa Bombo Radyo, gibutyag ni Vennel Chemfoo nga hisgutanang kalinaw ang unod sa ilang gisudo nga “Pax Ganern” (Peace, Talaga!) sa Bukidnon.
Gikalagot sa grupo ang pagsuspetsa kanila sa paghimo sa propaganda discussions.
Hugot nga gibarugan sa organisasyon wala silay kalambigitan sa mga armadong militante sama sa NPA nga anaa sa nasapit nga lugar.
Nagbarog ang ilang pundok aron tudloan ang mga batan-on nga mas hatagan ug bili ang kalinaw sa Mindanao inay mupakigbisog sa armadong pag-asdang nga posibleng muresulta sa gubat sibil.
