Pax Silica Agreement, dili lang simpleng economic infrastructure pulong sa ILPS

Hugot ang pagkondena sa grupong International League of People’s Struggle (ILPS) Philippines sa ginaduso nga Pax Silica initiative sa administrasyong Marcos tali sa Estados Unidos tungod sa kawalay klarong detalye ug sa hulga nga mabira niini ang nasud sa gubat.

Sumala ni Arnold Padilla sa ILPS Philippines, dili kini usa ka simpleng economic infrastructure kon dili kabahin sa pampolitika ug war production agenda sa Amerika aron kontrolon ang supply chain sa Artificial Intelligence nga gamiton sa gubat batok sa China.

Gitataw ni Padilla nga pabaylo sa pipila ka libong trabaho nga ihatag, kapin usa ka libo ug unom ka gatos ka ektarya nga yuta sa mga Aeta ug mag-uuma sa Capas, Tarlac ang sakopon sa langyaw, nga magbaligya usab sa soberanya ug panginabuhian sa mga Pilipino.