CAGAYAN DE ORO CITY-Subling bisitahon sa banggiitang basketball players gikan sa kauluhan ang dakbayan karong adlaw’ng Sabado.Kini tungod sa gilaumang dula sa mga player sa Meralco Bolts kontra Magnolia Hotshots.
Matud ni Rocky Calingin, ang focal person ni City Mayor Oscar Moreno nga pagasugdan ang dula sa duha ka mga banggiitang teams mga alas-5:00 sa hapon sa maong adlaw.
Dugtong niini, giawhag ni Calingin ang mga residente nga saksihan ang dula sa duha ka teams.
Kini ilabina nga kabahin sa mga modula ang garbo sa syudad kinsa miyembro sa Gilas team nga mao si Gio Jalalon.
