CAGAYAN DE ORO CITY, Philippines – Desidido si Pres Bongbong Marcos nga buksan sa Department of Education ang unang adlaw sa school year 2024-2025 sa adlaw’ng Lunes.
Gihimo sa president ang pamahayag human kini maglibot-suroy sa mga lokalidad sa Metro Manila nga nabahaan, ug karon, mihubas na ang baha.
Gimando sa presidente nga himoon ang tanan aron matuman ang unang adlaw sa klase subay sa nalagdaan nga school calendar.
Hinoon, gitataw ni Marcos nga diskrisyon gihapon sa mga school principals ang matuman kung pasudlon ba nila ang mga bata o mulusad sa mga alternatibong pamaagi aron masugdan ang klase sa Hulyo 29.
