Gitin-aw Palace Press Officer Atty. Claire Castro nga andam si Presidente Ferdinand Marcos Jr., nga magpa-imbestigar sa Independent Commission for Infrastructure (ICI) kon apil siya sa mga alegasyon nga nakadawat siya sa donasyon gikan sa mga kontraktor sa panahon sa eleksyon.
Subay sa report sa PCIJ, si Marcos gituohang nakadawat sa ₱20 milyon gikan sa Rudhil Construction ug ₱1 milyon gikan sa Quirante Construction.
Gireport usab nga kining duha ka kompanya nga nakadawat sa dagkong kontrata sa gobyerno human sa eleksyon, ug nakita sa PCIJ nga posibleng makalapas sa Omnibus Election Code.
Si Marcos mismo ang nagtukod sa ICI aron motan-aw sa mga anomalya sa flood control ug uban pang infrastructure projects, nga gipangulohan ni kanhi Supreme Court Justice Andres Reyes Jr., uban sa mga eksperto sama ni Rogelio Singson, Rossana Fajardo, ug Mayor Benjamin Magalong isip adviser ug investigator.
Sa press briefing sa Malacañan si Castro miingon, “The president is willing to be investigated.”
