Gidayeg ni Presidente Ferdinand Marcos Jr. ang ika-80 nga anibersaryo sa diplomatikong relasyon tali sa Pilipinas ug Estados Unidos, nga nagsugod niadtong 1946.
Matud ni Marcos, ang maong anibersaryo kay nagpahinumdom sa dugay nang relasyon sa duha ka nasud nga nakagamot dili lamang sa mga kagamhanan ug institusyon, kondili lakip usab sa suod nga mga kalambigitan tali sa ilang mga katawhan, nga napalig-on sa hiniusang kasaysayan ug mga mithi.
Dugang pa sa Presidente, nagpadayon sa pag-uswag ang panagtambayayong sa duha ka nasud nga dili lamang nakasentro sa depensa ug seguridad, kondili naglakip na usab sa pamatigayon, pamuhunan, enerhiya, teknolohiya, supply chains, ug edukasyon.
Gipasiugda usab ni Marcos nga ang maong kooperasyon kay nagtumong sa pagpalapad sa mga oportunidad ug paghatag og konkretong kaayohan alang sa katawhan sa duha ka nasud. (raniel mahunyag)
.jpg)



