Gimando ni Pres Bongbong Marcos nga atimanon sa gihapon ang mga apektadong mga pamilya nunot sa pagbakwit dala bahad sa super typhoon Leon nga moigo unta sa katawhan sa Batanes nga kanhi na gilampurnas sa bagyong Kristine.
Kini taliwala nga napadpad na ang maong bagyo ug nag-landfall ang mata sa bisinidad na sa Taiwan kagahapong adlawa.
Miingon sila DSWD Undersecretary Diana Rose Cajipe ug OCD Undersecretary Ariel Nepomuceno nga maoy sugo ni Marcos nga ipaabot gihapon ang mga ayuda nga nagahin alang sa mga apektadong pamilya sa dautang panahon nga miigo sa nasud
.Si Cajipe miingon nga mogamit sila sa air assets sa Philippine Air Force aron mapadali ang paghidangat sa tabang sa gobierno ngadto sa mga residente.
Una nang namahayag si Nepomuceno nga atol sa pag-igo sa bagyong Kristine,150 ka tawo na ang patay,halos 30 pa ang missing ug sobra 333-mil ka pamilya ang apektado gikan sa pipila ka rehiyon sa nasud.
