Gi-presyur na ni Presidente Ferdinand Marcos Jr., ang Department of Education ug Department of Economy, Planning, and Development
o DEPDev nga paspasan ang pagrepaso sa mga Public-Private Partnership (PPP) proposals alang sa pagtukod sa mga eskwelahan, isip tubag sa padayon nga kakulang sa pasilidad sa daghang lugar sa nasud.
Gitinguha sa Presidente nga matubag dayon ang problema sa mga estudyante nga napugos sa pagtungha sa mga temporaryo nga lugar, sama sa mga tents ug multipurpose halls, tungod sa kakulang sa lawak saringan.
Ang direktiba kabahin sa mas lapad nga paningkamot sa administrasyon nga mapaayo ang kalidad sa edukasyon pinaagi sa mas episyente nga pagpatuman sa mga proyekto sa imprastruktura. Gisuportahan usab kini sa DepEd ug DPWH, nga gikatakdang makab-ot ang target nga classroom construction sa 2028.
