Gikondenar sa usa ka kritiko sa administrasyon ang iyang gihulagway nga kakulang sa liderato ug direksiyon sa kasamtangang administrasyong Marcos Jr.
Giapelar ni Atty Vic Rodriguez, kanhi Executive Secretary ni Presidente Bongbong Marcos ug lead convenor sa Hakbang ng Maisug nga nagpadayon ang political persecution ug pagpanumpo batok sa mga indibidwal nga nagapahayag sa ilang pagsupak sa mga polisiya sa gobyerno.
Gipasabot usab niya nga ang nasud nag-atubang og kahimtang nga iyang gitawag ug “silent martial law” tungod sa giingong paglimite sa mga kritikal nga tingog.
Gikritikar niya ang performance sa administrasyon isip walay “ningning” ug “kinang,” samtang giingong nawala ang karisma ug inspirasyonal nga liderato nga nakita panahon sa kampanya.
Gihagit usab niya ang publiko nga susihon ug balangkason ang mga hagit nga giatubang sa nasud ubos sa kasamtangang pagdumala.

