Gimanduan ni Presidente Ferdinand Marcos Jr., si Public Works Secretary Vince Dizon nga kunhuran hangtud sa 50% ang presyo sa mga materyales alang sa mga government infrastructure projects.
Nunot kini sa nadiskobrehan sa Office of the President nga naghinobra ka mahal o overpriced ang presyo sa materyales nga gmiton sa pag-aspalto sa dalan, steel bars, ug semento.
Ang mando-direktiba gihimo ni Presidente Marcos sa iyang departure speech sa Villamor Air Base, sa wala pa siya mularga paingon sa Malaysia alang sa ASEAN Summit.
Namugos ang presidente nga kinahanglan mabag-o, ug mas mapasihag ang sistema sa pagpalit sa mga materyales nga gamiton sa pagtukod sa mga imprastraktura aron husto nga pondo ang musulod sa Department of Public Works and Highways (DPWH), ug malikayan ang kurapsyon sa mga proyekto.
