Opisyal nang gi-ablihan ni Pres Bongbong Marcos ang 2025 Palarong Pambansa nga gisalmutan sa sobra 15-mil ka delegasyon gikan sa 18 ka rehiyon,Philippine Schools Overseas ug National Academy of Sports sa Marcos Stadium in Laoag City kagabii
Miingon ang presidente nga angayang batunan sa mga atleta ang kinaiya sa pagpursige aron makab-ot ang mga kagustuhan nila sa kinabuhi.
Siya miingon nga giila usab niini ang dakong papel sa mga ginikanan nga maoy unang nakadiskobre ug mibansay sa mga nahuptang sports abilities sa ilang mga anak nga kabahin sa Palarong Pambansa ning tuiga.
Dumduman nga human ang halos unom ka dekada nga unang pag-host sa Ilocos Norte sa maong national games, nagsilbi kining ika-walo nga higayon ning tuiga diin sugdan ang nagkadaiyang mga dula sa adlaw’ng Lunes hangtod Mayo 31 ning tuiga.
Hisayrang kasamtangang naghupot sa over all champion ang delegasyon gikan sa National Capital Region.
