Makomparar na ni Atty. Franklin Quijano, kanhi mayor sa Iligan City, ang pagdumala ni President Ferdinand Marcos Jr., sa estilo sa iyang amahan nga si Marcos Sr., atol sa pagtukod sa independent commission on infrastructure (ICI) aron imbestigaran ang anomalosong flood control projects sa nasud.
Gibalik-lantaw ni Quijano ang panahon nga MITUKOD sa fact-finding board ang kanhi Presidente aron imbestigaran ang pagpatay kang kanhi Senador Benigno Ninoy Aquino Jr. , sa Manila International Airport.
Ang fact-finding board ni Marcos Sr, walay napakita nga resulta ug hangtud karon, idlas ang hustisya alang sa Pamilya Aquino.
Hinoon, mipasabot si Quijano nga matarong man, o dili ang resulta sa komisyon nga gimugna ni Marcos Jr., silang mga abogado, naglaum nga adunay tinuod nga manubag sa kaso ug dili na mausab ang kapakyasan nga nasinati sa administrasyon sa iyang amahan.
