CAGAYAN DE ORO CITY, Philippines – Masaligon si Presidente Ferdinand Marcos Jr nga sulod sa usa hangtud duha ka adlaw makabalik na sa Pilipinas si Dismissed Bamban Tarlac Mayor Alice Guo.
Gibutyag sa presidente nga nakigkoordinar na ang gobyerno sa Pilipinas sa mga nasud sa Indonesia ug Singapore aron kompirmahon ang pagsulod ug pagdeport kang Guo.
Mahinumduman nga mismo si Senador Risa Hontiveros ang nagreport sa senado nga nakagawas na ang kontrobersyal nga mayor sa miaging semana, taliwala nga nag-atubang kini’g walag tuo nga kaso sa Senado ug Kamarabaha kalabot sa iyang paggamit sa peke nga identidad ug ang akusasyon nga siya ang protektor sa ilegal Philippine Off Shore Gaming Operations (POGO) sa Bamban Tarlac.
Na-intercept sa Terminal 1 sa BI’s Intelligence Division (ID) ug Fugitive Search Unit (FSU) sila Sheila Leal Guo, igsoon sa nadismis nga mayor, ug si Cassandra Li Ong, incorporator sa gironda nga POGO sa Pampanga, atol sa ilang pagbalik sa nasud, kagahapon.
Gikompirmar ni BI Commissioner Norman Tansingco nga misakay sa Philippine Airlines flight PR 540 gikan Jakarta ang duruha aron eskortihan si Gou.
Una nang gibutyag ni Tansingco nga kauban ni Guo sa pagbiyahe sa Batam, Indonesia, niadtong Agosto 18 ang iyang igsoon nga si Alice ug Wesly.
Tungod sa hitabo, gipasalamatan ni Presidente Marcos ang Indonesian Inteldakim Officer sa Batam Immigration Office ang ilang paspas nga pagresponde sa hangyo sa mga operatiba sa Pilipinas.
