CAGAYAN DE ORO CITY, Philippines – Milampus si Presidente Bongbong Marcos sa pagpahinumdum sa tanan miyembro sa local governmeny units kon LGUs kung unsa ka mahinungdanon ang kalinaw, ug seguridad sa usa ka komonidad, aron kini mu-uswag nga walay mga babag.
Sa milabay’ng adlaw, gipahigayon sulod sa Malakanyang ang Ceremonial Turnover sa Third Intergovernmental Relations Body (IGRB) Progress Report.
Unod niini ang malungtaron nga kalinaw ug paglambo sa Bangsamoro Autonomous Region in Muslim Mindanao (BARMM).
Giila sa presidente ang epektibo nga “collective efforts” sa gobyerno aron mapanday ang maayong pangagamhanan sa BARMM.
Usa niini ang mekanismo sa Bangsamoro Organic Law (BOL) nga nahimong instrumento sa pagpalambo sa kolaborasyon tali sa National Government ug sa Bangsamoro Government.
Gidayeg ug giyukbuan ni Marcos ang mga naglangkob sa transition government tungod kay napabalik nila sa sabakan sa gobyerno ang Moro Islamic Liberation Front (MILF) ug ang Moro National Liberation Front (MNLF).
Kahinumduman nga gipirmahan sa presidente, niadtong Hulyo 2023 ang Joint Award on Petroleum Service Contracts ug Coal Operating Contracts sa Bangsamoro Autonomous Region in Muslim Mindanao (BARMM), nga nagpakita sa nagkadako nga papel sa Rehiyon alang sa national energy resources.
Nanghinaut ang presidente nga mulungtad pa sa taas nga panahon ang kalinaw ug pag-uswag sa BARMM.
(VC-2 CUE ..OUT) Si Presidente Ferdinand Bongbong Marcos, Jr.
