Direktang gihimakak ni Pres Bongbong Marcos ang expose ni kanhi Pres Rodrigo Duterte nga adunay mga pahina sa 2025 national budget nga mga blangko.
Kini human unang gisulti ni Davao City 3rd District Cong. Isidro Unga nga pinakaunang higayon sa iyang 15 ka tuig nga pagtrabaho sa kamara nga nakabalik na lang sila sa sesyon apan ulahi ang kopya sa General Appropriations Act nakaabot kanila.
Kini ang higayon nga mihatag reaksyon si Duterte tungod sa pagbulgar nga adunay line-up budget items nga blangko o o walay nabutang nga particular nga alokasyon sa pondo.
Alang kang Duterte isip abogado ug kanhi presidente dako kini nga ilegal diin angayang mangayo’g katin-awan niini ang kamarabaha kon nganong may pipila ka buslot sa gipangayo’g pondo ni Marcos.
Apan sa pag-atubang ni Marcos sa media ning adlawa, namugos kini nga dakong bakak ang gibutyag ni Duterte.
Giaghat na lang ni Marcos ang mga mi-kuwestiyon niini nga direktang tan-awon sa Department of Budget Management website kon makit-an ba ang maong gipanulti sa kanhi presidentee.
Una nang namulong si Duterte nga kon siya ang pagbut-on,mapaslak sa bilangguan ang utok sa gitawag niya nga invalid budget.
Hisayrang daan na usab nangugat si Executive Secretary Lucas Bersamin nga ‘fake news’ ang gipanulti ni Duterte atubangan sa publiko sa miaging semana.
