Gilugwa na ni Pres Bongbong Marcos ang iyang mando ehekutibo numero 94 nga nagporma sa Independent Commission on Infrastracture/ICI.
Siya miingon nga ang ICI usa ka fact-finding body diin gitahasan sa pag-imbestigar sa pasangil sa kurapsyon,kahiwian ug pagwaldas sa salapi nga gigamit sa katukuran sa government flood control projects.
Sa maong kamanduan, gisulti sa presidente nga mosugod ang ICI sa pag-imbestigar sa mga gidudahang depektosong mga proyekto gikan sa napulo ka tuig.
Siya miingon nga ang ICI ang langkuban sa tulo lang ka personalidad nga gilakipan sa tsirman ug duha ka miembro niini nga napamatud-an nga adunay katakos,integridad ug tinud-anay nga dili madiktahan.
Magbaton usab sa secretariat ang ICI nga panguluhan sa executive director aron maoy mohatag sa suportang administratibo ug teknikal.
Anaa usab sa gahom sa ICI nga mokuha sa mga dokumento ug mga impormasyon gikan sa Kongreso nga magamit sa imbestigasyon.
Nakasangon usab sa ICI ang rekomendasyon sa pagduso’g mga kasong kriminall,sibil ug administratibo batok sa mga makit-ang sad-an ngadto sa Office of the Ombudsman, DOJ, Civil Service Commission ug ubang ahensiya sa kagamhanan.
Giklaro sa kamanduan nga prioridad imbestigaran sa ICI ang mga proyekto nga natukod sulod sa napulo ka tuig.
Nagkahulugan nga apil niini ang mga proyekto nga natukod sa panahon ni kanhi Pres Rodrigo Duterte ubos sa programang Build Build Build.
Hisayrang naporma ang ICI epekto sa isyu sa grabeng kurapsyon sa flood control projects diin gilambigitan sa daghang government officials.
