CAGAYAN DE ORO CITY, Philippines – Mibalik sa Northern Mindanao si Presidente Bongbong Marcos aron ihatud ang dugang tabang ayuda para sa mukabat 2,857 agrarian reform beneficiaries (ARBs) sa rehiyon.
Ang seremonya sa pagtunol sa 2,566 land titles gipahigayon sa Mindanao Civic Center (MCC) Gymnasium, Tubod, Lanao de Norte, kagahapon.
Namahayag ang presidente nga kining libuang ihap sa mga titulo sa yuta naglangkob sa 3,009.57 ektarya sa agricultural land nga gihatag para sa mga mag-uuma.
Kuyog ni Pres Marcos ang Department of Agrarian Reform (DAR) sa award sa 1,522 certificates of land ownership awards o CLOA. Laing 1,044 e-titles ang gitunol sa 832 ARBs ubos sa Support to Parcelization of Lands for Individual Titling (SPLIT) project.
Ang land distribution sa Northern Mindanao nagsumikad sa 1,344 titulo para sa f 1,039.66 ektaryasa agricultural land sa 1,559 agrarian reform beneficiaries in Bukidnon; 12 ka titulo para sa3.64 ektarya sa 11 ARBs sa Camiguin; 670 titulo alang sa 1,300.38 ektaryang luna sa 649 ARBs sa Lanao del Norte; 396 land titles para sa 484.56 ektarya nga luna sa 392 ARBs sa Misamis Occidental, ug 144 titulo sa yuta alang sa 181.35 ektarya sa 246 agrarian reform beneficiaries sa Misamis Oriental.
Gawas niini, gidugangan pa ni Presidente Marcos ang pag-apud sa farm machines ug ekipo nga nagkatidad sa P2.68 million para sa agrarian reform beneficiaries’ organizations (ARBOs) sa Lanao del Norte.
Kini gilangkoban sa usa ka mini hauling vehicle; usa ka mobile corn sheller; usa ka mini mobile rice mill; usa ka dakung rice mill;hauling vehicle; farm tractor ug usa ka 1 banana slicing chopper machine.
Sa katapusan, mitunol ang presidente sa tag 10,000 cash ayuda alang sa 1,760 farmer beneficiaries sa rehiyon, ug laing 10,000 cash assistance gikan sa Department of Social Welfare and Development’s (DSWD) Ayuda sa Kapos ang Kita Program.
