CAGAYAN DE ORO CITY – Gipasalamatan ni Pres Bongbong Marcos si outgoing Department of Education Secretary Vice President Sara Duterte.
Nunot kini sa iyang nakitang dedikasyon sa pagsilbing kalihim sa DepEd ug sa iyang pagpaningkamot nga mu-usbaw pa ang kalidad sa edukasyon sa Pilipinas.
Dumduman nga sa miaging bulan, gipasa ni Duterte ang iyang resignation sa pagkakalihim sa ahensya dungan sa iyang pagbiya sa gabinete ni Marcos.
Wala dayon makahatag sa komento si Marcos ug naabtan sa dul-an usa ka bulan ang iyang paglakbit sa isyung pagbiya sa iyang su-od nga higala.
Gihimo ni Marcos ang pahayag nunot sa iyang pagbisita sa katawhan sa Mindanao diin gipangtunulan sa mga ayuda ug ubang serbisyo sa gobierno kagahapong adlawa.
Si PBBM ug VP Sara ang nangdaug sa 2022 elections tungod sa ilang UNITEAM.(Bombo Anne Quileste)
