Gitudlo ni Presidente Ferdinand Marcos Jr. si Department of Finance (DOF) Undersecretary Rolando Ligon Jr. isip bag-ong Commissioner sa Bureau of Internal Revenue (BIR), puli kang Charlito Martin Mendoza nga gibalhin ngadto sa Bureau of Customs (BOC).
Matud ni Ligon, gimandoan siya sa Presidente nga tabangan ang mga magbubuhis sa pagtuman sa ilang mga obligasyon ug siguruhon ang episyenteng pagkolekta sa buhis nga gamiton alang sa mga galastohon sa gobyerno.
Gipasalig usab ni Ligon nga ipadayon niya ang reform agenda nga gisugdan sa iyang gisundan, lakip ang pagpalig-on sa digital nga sistema, pagpalambo sa serbisyo alang sa mga magbubuhis ug pagsiguro sa tulubagon sa mga kawani sa ahensya.
Dugtong niini, prayoridad usab sa iyang administrasyon ang pagpakusog sa mga lakang batok sa korapsyon ug tax evasion, ingon man ang pagpasayon sa pagtuman sa mga obligasyon sa buhis. (raniel mahunyag)
