Nagpasalamat si PBBM sa mga Pilipino sa pakighiusa ug suporta sa malampusong pag-host sa 49th ASEAN Summit sa Pilipinas. Alamin ang buong detalye dito!

Nagpasalamat si Presidente Ferdinand Marcos Jr. sa publiko ug sa tanang kabahin sa malampusong pagpahigayon sa 49th ASEAN Summit and Related Summits dinhi sa nasud.

Gidayeg sa Presidente ang mga ahensya sa kagamhanan, mga kawani sa seguridad, volunteers, media teams, ug uban pang mamumuo nga walay kakapoy nga nagtibangay aron masiguro ang hapsay nga dagan sa panagtapok.

Giila usab ni Marcos ang mahinungdanong papel sa matag sektor sa pagmintinar sa kahusay, kaluwasan, ug mainitong pagdawat sa mga mibisita nga lider ug delegado gikan sa nagkadaiyang nasud.

Gawas sa mga nagtrabaho luyo sa summit, partikular usab nga gipasalamatan ni Marcos ang mga lungsoranong Pilipino kansang adlaw-adlaw nga buluhaton ug biyahe kay naapektuhan tungod sa mga gipahigayon nga pagpangandam ug aktibidad.

Gihatagan usab og bili sa Presidente ang gipakita nga pasensya, pagsabot, ug pakighiusa sa publiko sa tibuok dagan sa rehiyonal nga komperensya.

Gipasiugda usab ni Marcos nga ang kalampusan sa pag-host sa Pilipinas kay bunga sa panaghiusa sa kagamhanan ug sa matag Pilipino. (raniel mahunyag)