Nanawagan si Presidente Ferdinand Marcos Jr. alang sa mas lig-on nga panaghiusa ug kooperasyon sa rehiyon atol sa pormal nga pagbukas sa ika-49 nga ASEAN Summit and Related Summits sa Philippine International Convention Center (PICC) sa Pasay City karong Dominggo, Nobyembre 15, 2026.
Matud ni Marcos, nagkahiusa ang 11 ka nasud nga miyembro sa ASEAN isip managsama, nga nagdala sa mga pangandoy sa ilang katawhan ug nagpaambit sa responsibilidad nga himoon kini nga usa ka komon nga katuyoan.
Nagpasidaan usab ang Presidente nga ang mga geopolitikanhong tensiyon, kawalay kasigurohan sa ekonomiya, pag-uswag sa teknolohiya, pagbag-o sa klima ug mga hulga nga transnasyonal kay nag-usab sa kahimtang sa Habagatang-Sidlakang Asya sa mas paspas nga dagan kaysa sa kapasidad sa bisan unsang nasud nga makatubag niini nga mag-inusara.
Gipasiugda usab ni Marcos nga walay usa ka nasud nga miyembro sa ASEAN ang adunay tanang kahinguhaan, kapasidad ug mga kasulbaran nga gikinahanglan aron maatubang ang nagkadaiyang hagit sa rehiyon, busa mahinungdanon ang hiniusang paningkamot ug kooperasyon sa mga nasud. (raniel mahunyag)
.jpg "Presidente Marcos, gipirmahan na ang EO alang sa saktong paggamit sa Artificial Intelligence sa nasud")
