Nangayo na’g emergency powers si Presidente Ferdinand Marcos Jr Kongreso aron mapug-ngan ang pagpatung sa excise tax sa mga produktong petrolyo taliwala sa krisis sa Middle East.
Kini ang gikompirmar ni Palace Press Officer Undersecretary Claire Castro.
Si Castro miingon nga ang Department of Energy (DOE) ang mosumiter sa formal request isip representante sa Presidente nga anaa karon sa New York alang sa working visit.
Ipasumiter karong Lunes, Marso 9 ang maong hangyo ug gilauman nga pagahisgutan dayon sa Kongreso.
Hisayran nga miingon si Marcos nga kini usa ka emergency measure nga ipatuman dayon kon mosaka ang presyo sa Dubai crude oil labaw sa $80 kada baril ug matapos ang kagubot sa Middle East. (by Phillip Ariata)
